Չարենցավան քաղաքում իրականացվեց «Երիտասարդների մասնակցությունը տեղական ինքնակառավարմանը նոր մեդիայի միջոցով» ծրագրը

Մայիսի 20-23-ը  ՀՀ 2017 թ. երիտասարդական մայրաքաղաք Չարենցավանում  «ԿԱՄՔ» Լոռվա երիտասարդական ծրագրերի կենտրոն» հասարակական կազմակերպության կողմից իրականացվեց «Երիտասարդների մասնակցությունը տեղական ինքնակառավարմանը նոր մեդիայի միջոցով» ծրագիրը, որին ակտիվ մասնակցում  էին  ԵՈՒՀԿ անդամները:

Քառօրյա դասընթացները հագեցած էր նոր գիտելիքների, հմտությունների, կարողությունների ձեռքբերմամբ ու զարգացմամբ:

Սեմինար-դասընթացների ընթացքում   մասնակիցները ձեռք բերեցին  նոր գիտելիքներ «Տեղական ինքնակառավարման մասին» ՀՀ օրենքում ամրագրված հրապարակայնության և թափանցիկության մեխանիզմների, մասնակցային կառավարման գործընթացի, քաղաքացիական լրագրության, ճիշտ լուսանկարելու, լրագրողական նյութ պատրաստելու, նոր մեդիայի և բլոգավարության վերաբերյալ, ստեղծեցինք  բլոգներ` ներկայացնելով մեր պատրաստած լրագրողական նյութերը:

Դասընթացի երրորդ օրը այցելեցինք Չարենցավանի քաղաքապետարան, դասընթացի մասնակիցները  հարցազրույցներ վարեցին ՏԻՄ ներկայացուցիչների հետ:

Շնորհակալություն ՀՀ սպորտի և երիտասարդության հարցերի նախարարությանը ծրագիրը հովանավորելու և աջակցելու համար:
Շնորհակալություն Չարենցավանի  քաղաքապետին և քաղաքապետարանի ողջ անձնակազմին մեզ՝ երիտասարդ, սկսնակ լրագրողներիս, ջերմ ընդունելու և աջակցելու համար:

Շնորհակալություն դասընթացավար Նազելի Ավագյանին՝ հիանալի ծրագրի, նոր գիտելիքների ձեռքբերման համար:

Թող նմանատիպ ծրագրերը շարունակական լինեն 2017 թվականի երիտասարդական մայրաքաղաք Չարենցավանում:

Նյութի հեղինակ՝ Շ.Թորոսյան

Նկարները՝ Տ.Ծատուրյանից, Գ.Գևորգյանից